Um 40 prósent aðildarfélaga KSÍ gáfu Vísi upp atkvæðin sín og miðað við þau svör þá virðist stefna í kapplaup á milli Guðna og Vignis Más Þormóðssonar.

Guðni fær 34 prósenta fylgi í könnuninni og Vignir er þar skammt undan með 31 prósenta fylgi. Ef það verður raunin, þá þarf tvær umferðir til að kjósa en réttkjörinn formaður þarf meirihluta atkvæða.

Þorvaldur Örlygsson er einnig í framboði en hann fær aðeins sjö prósenta fylgi í könnun Vísis.

Það vekur athygli að 28 prósent segjast óákveðnir og það verður áhugavert að sjá hvert þau atkvæði fara.

Nýr formaður verður kosinn næsta laugardag á ársþingi KSÍ.