Franski kantmaðurinn Allan Saint-Maximin hefur komið öflugur inn í lið Newcastle á þessu tímabili.
Hann var keyptur síðasta sumar frá Nice og skrifaði þá undir sex ára samning við félagið.
Saint-Maximin hefur verið heilt yfir nokkuð góður fyrir Newcastle, en hann átti hins vegar ekki sinn besta leik í gær þegar Newcastle gerði markalaust jafntefli gegn Oxford United í enska FA-bikarnum. Einn stuðningsmaður Newcastle gekk svo langt á Twitter að segja að Saint-Maximin hefði verið að spila sinn versta leik fyrir félagið.
Saint-Maximin sá það og ákvað að svara því. Hann skrifaði: „Ég ætla ekki að ljúga, það er satt að þetta hafi verið minn versti leikur hingað til. Engar afsakanir. Nú ætla ég að leggja enn harðar að mér til að komast í betra stand. Takk fyrir stuðninginn."
Honum hefur verið hrósað fyrir tístið og það viðhorf sem hann sýnir.
Not gonna lie, that's true it's my worst game so far, no excuses... Now im gonna work even harder to be more in shape! Thank you for the support #NextGame https://t.co/5ZIUIK3Tj6
— Allan Saint-Maximin (@asaintmaximin) January 25, 2020
Athugasemdir