Úrvalslið vikunnar í enska - Mignolet í markinu

Markvörður - Simon Mignolet, Liverpool
Belgíski markvörðurinn var í stuði gegn Everton og varði hvað eftir annað úr dauðafærum. Simon fékk þrjú mörk á sig en það er ekki hægt að kenna honum um þau.

Hægri bakvörður - Joel Ward, Crystal Palace
Var fullur sjálfstrausts þegar Palace vann Hull City. Ógnaði stöðugt á hægri vængnum.

Miðvörður - Per Mertesacker, Arsenal
Þjóðverjinn átti frábæra viku, skoraði sigurmarkið gegn Englandi og átti stórleik þegar Arsenal varðist vel gegn Southampton.

Miðvörður - Chico Flores, Swansea City
Fékk það verkefni að halda Dimitar Berbatov niðri. Gerði það og Swansea sótti þrjú stig á Craven Cottage.

Vinstri bakvörður - Patrice Evra, Manchester United
Þetta var ekki frábær frammistaða hjá vörn Englandsmeistarana en varafyrirliðinn hefur átt frábært tímabil og stóð fyrir sínu.

Hægri kantur - Jesus Navas, Manchester City
Tvö mörk og stoðsending í 6-0 slátrun gegn Tottenham. Svona frammistöðu vildu stuðningsmenn City sjá þegar Navas var keyptur frá Sevilla.

Miðjumaður - Ramires, Chelsea
Sýndi frábæra varnarvinnu gegn West Ham.

Miðjumaður - Steven N’Zonzi, Stoke City
Stoke vann góðan sigur gegn Sunderland. N’Zonzi átti góðan leik og náði að skora mark.

Vinstri kantur - Eden Hazard, Chelsea
Eftir hæga byrjun á tímabilinu er Hazard að komast í rétta gírinn, sama gír og gerði það að verkum að hann var tilnefndur sem leikmaður ársins í deildinni síðasta tímabil.

Sóknarmaður - Sergio Aguero, Manchester City
Enn önnur frábær frammistaðan hjá Aguero sem nú er efstur á lista yfir markahæstu menn deildarinnar.

Sóknarmaður - Olivier Giroud, Arsenal
Franski landsliðsmaðurinn heldur uppteknum hætti en hann hefur verið magnaður á þessu tímabili.

Sjá einnig:
Fyrri úrvalslið í enska