Robert Lewandowski elskar fátt meira en að skora mörk og gerði hann tvö í sigri Bayern í leik sem endaði 5-1. Serge Gnabry kom inná sem varamaður og skoraði einnig tvö fyrir meistarana.

Bayern er með 52 stig á toppi deildarinnar, fimm stigum á undan RB Leipzig sem leikur við Gladbach í kvöld.

Borussia Dortmund tókst einnig að vinna í Evrópubaráttunni en liðið lagði Arminia Bielefeld með þremur mörkum gegn engu.

Þeir Mahmoud Dahoud, Jadon Sancho og Reinier gerðu mörk Dortmund sem er í fimmta sæti deildarinnar.

Botnlið Schalke tapaði enn einum leiknum á sama tíma en liðið steinlá 5-1 gegn Stuttgart. Schalke er með níu stig á botninum, níu stigum frá öruggu sæti.

Wolfsburg vann þá lið Hertha Berlin með einu marki gegn engu og er enn í þriðja sætinu, tveimur stigum á eftir Leipzig sem er í því öðru.

Bayern Munchen 5 - 1 Köln
1-0 Eric Maxim Choupo-Moting('18)
2-0 Robert Lewandowski('33)
2-1 Ellyes Shkiri('49)
3-1 Robert Lewandowski('65)
4-1 Serge Gnabry('82)
5-1 Serge Gnabry('86)

Dortmund 3 - 0 Bielefeld
1-0 Mahmoud Dahoud('48)
2-0 Jadon Sancho('58, víti)
3-0 Reinier('81)

Stuttgart 5 - 1 Schalke
1-0 Wataru Endu('10)
2-0 Wataru Endu('26)
3-0 Sasa Kaladjzic('34)
3-1 Sead Kolasinac('40)
4-1 Philipp Klement('88)
5-1 Daniel Didavi('90)

Wolfsburg 2 - 0 Hertha Berlin
1-0 Lukas Klunter('38, sjálfsmark)
2-0 Maxence Lacroix('90)