Úrvalslið vikunnar í enska - Þrír Newcastle menn

Markvörður - Vito Mannone (Sunderland)
Sunderland heldur ekki hreinu á útivelli á hverjum degi. Mannone stóð vaktina vel í 1-0 sigrinum á Everton í gær og fær sæti í liði vikunnar að launum.

Hægri bakvörður - Mathieu Debuchy (Newcastle)
Newcastle valtaði yfir níu leikmenn Stoke þar sem Debuchy átti einn sinn besta leik með félaginu.

Miðvörður - Fernando Amorebieta (Fulham)
Fernando Amorebieta var öflugur í 2-1 útisigri Fulham á Norwich.

Miðvörður - Vincent Kompany (Manchester City)
Kompany skoraði fyrra mark Manchester City og gekk nokkuð vel að eiga við Luis Suarez í sigrinum á Liverpool.

Vinstri bakvörður - Luke Shaw (Southampton)
Hinn 18 ára gamli Shaw er undir smásjá hjá mörgum félögum og hann átti enn einn góða leikinn í 3-0 sigrinum á Cardiff í gær.

Hægri kantmaður - Hatem Ben Arfa (Newcastle)
Ben Arfa nýtti tækifærið í byrjunarliðinu vel með því að stjórna spilinu hjá Newcastle gegn Stoke.

Miðjumaður - Pajtim Kasami (Fulham)
Kasami skoraði magnað mark gegn Crystal Palace fyrr á tímabilinu og í gær skoraði hann aftur með skoti af löngu færi, nú beint úr aukaspyrnu gegn Norwich.

Miðjumaður - Mile Jedinak (Crystal Palace)
Jedinak er einn af þeim leikmönnum sem hafa stigið upp hjá Crystal Palace eftir að Tony Pulis tók við liðinu.

Vinstri kantmaður - Santi Cazorla (Arsenal)
Cazorla var eins og svo oft áður sprækur í liði Arsenal í útisigrinum á West Ham.

Framherji - Wayne Rooney (Manchester United)
Rooney skoraði frábært mark og var aðalmaðurinn í endurkomu Manchester United gegn Hull.

Framherji - Loic Remy (Newcastle)
Remy bætti upp fyrir að misnota vítaspyrnu með því að skora tvívegis gegn Stoke.

Sjá einnig:
Fyrri úrvalslið í enska