Það furðuðu sig margir á því hvers vegna vinstri bakvörðurinn Alex Telles væri ekki í leikmannahópi Manchester United gegn RB Leipzig í Meistaradeildinni í kvöld.
Ole Gunnar Solskjær, stjóri Man Utd, greindi frá ástæðunni eftir leikinn, sem endaði 5-0 fyrir Man Utd.
Telles greindist með kórónuveiruna.
„Telles greindist með kórónuveiruna og hann hefur verið frá í nokkra daga. Hann er ekki með nein einkenni og það verður allt í lagi með hann," sagði Solskjær.
Man Utd keypti Telles frá Porto á síðasta gluggadegi. Hann byrjaði í 2-1 sigri Man Utd á PSG í Meistaradeildinni í síðustu viku.
Athugasemdir