Timo Werner, leikmaður Chelsea, hefur engan áhuga á því að yfirgefa félagið í sumarglugganum.
Þetta herma heimildir Goal.com en Werner hefur verið í töluverðu basli á sínu fyrsta tímabili á Stamford Bridge.
Þessi 25 ára gamli leikmaður hefur skorað 10 mörk í 39 leikjum en hann kom frá Leipzig fyrir leiktíðina.
Chelsea borgaði 47,5 milljónir punda fyrir Werner sem hefur ekki staðist allar væntingarnar í London.
Það er þó vilji leikmannsins að sanna sig á Brúnni og mun hann ekki leitast eftir því að kveðja strax.
Athugasemdir