Æskudraumur Valgeirs rættist - „Ég var alveg að búast við þessu"

Þessi tvítugi varnarmaður er uppalinn í Fjölni og spilaði með meistaraflokki liðsins eitt tímabil í efstu deild árið 2018 áður en hann skipti yfir í Val.

Hann var keyptur til sænska úrvalsdeildarliðsins Häcken undir lok árs 2020. Valgeir fékk sárafá tækifæri til að sanna sig á síðasta tímabili en hefur nú brotið sér leið inn í byrjunarliðið og staðið sig með sóma.

Valgeir segir kallið ekki hafa komið sér á óvart, svona miðað við meðalaldur hópsins.

„Já, mjög sáttur og þetta er búið að vera markmiðið síðan maður var ungur. Loksins fær maður að spila eins og í Svíþjóð og kominn hingað. Þetta er mjög gaman."

„Já og nei. Ég er búinn að byrja í félagsliði mínu og búinn að vera að spila vel að mínu mati þannig ég var alveg að búast við þessu, sérstaklega þar sem hópurinn er í yngri kantinum þannig séð. Mjög gaman að fá þetta kall," sagði Valgeir.

Mikil bjartsýni fyrir leikina

Ísland spilar fjóra leiki í þessum mánuð. Tvo leiki við Ísrael, einn við Albaníu og svo vináttulandsleik við San Marínó en hann segir að leikmenn séu afar bjartsýnir fyrir þessa leiki.

„Líst mjög vel á það. Mjög bjartsýnn og allir í hópnum mjög bjartsýnir á að spila vel og margir í yngri kantinum að fá tækifæri. Við vonumst til að spila hörkuleiki," sagði Valgeir við Fótbolta.net.