Borja: Ákváðum að Tommi væri besti kosturinn til að standa í markinu

Spurður um fyrstu viðbrögð eftir leik:

„Fyrstu viðbrögðin eru góð. Þetta er mjög mikilvægt stig. Við byrjuðum leikinn vel og komumst yfir, en það er gríðarlega erfitt að spila nær allan leikinn án markvarðar. Það setti okkur í mjög erfiða stöðu. Allur hópurinn sýndi mikinn karakter inni á vellinum og ég er virkilega ánægður með þetta stig.“

Jochum meiddist og þá þurfti útileikmaður að fara í markið. Hversu erfitt var það?

Við erum lið, bæði þegar vel gengur og þegar á móti blæs. Eftir samtal ákváðum við ásamt Tomma að hann væri besti kosturinn til að standa í markinu það sem eftir lifði leiks.“

Tímabilið hefur verið erfitt. Mega stuðningsmenn búast við liðsstyrk í félagaskiptaglugganum?

„Já, við erum að skoða möguleika á að styrkja hópinn. Það er þó ekki einfalt miðað við stöðu félagsins. Við erum að vinna í ýmsum lausnum en á þessari stundu get ég ekki sagt meira.“