Sóknarmaðurinn Gary Martin var kampakátur eftir 3-1 sigur ÍBV á Pepsi Max-deildarliði KA í framlengdum leik í 16-liða úrslitum Mjólkurbikars karla.

„Þetta var góður sigur," sagði Gary. „Við trúum að við séum með lið sem getur verið í Pepsi Max-deildinni og við vitum að við getum unnið þessi lið. Mér fannst þessi leikur auðveldari en leikir í Lengjudeildinni."

Lestu um leikinn: KA 1 -  3 ÍBV

Hann segir að það sé auðveldara í ljósi þess að KA hafi reynt að stjórna leiknum.

„Í Lengjudeildinni erum við alltaf með boltann og við þurfum að vera klókari. Það er auðvelt þegar miðverðir þeirra standa á miðjum vellinum."

„Í fyrra vorum við með betri leikmenn en í ár erum við betra lið. Strákarnir gefa allt fyrir Vestmannaeyjar," sagði Gary en ÍBV endaði leikinn með tíu uppalda Eyjamenn og Gary Martin inn á vellinum.

Viðtalið er í heild sinni hér að ofan en Gary vill fá sína gömlu félaga í KR í 8-liða úrslitunum.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit