Karl Brynjar hefur átt gott tímabil en lið Þróttar hefur einungis fengið níu mörk á sig í 1. deidlinni í sumar.

„Við erum að verjast vel saman sem lið. Ég, Aron Ýmir og Hlynur (Hauksson) erum búnir að spila lengi saman og Davíð (Þór Ásbjörnsson) hefur smollið vel inn í þetta. Þegar einhver hefur dottið út þá hefur alltaf komið maður í manns stað og þetta hefur alltaf gengið vel."

Þróttur er á toppnum í 1. deildinni í dag en liðið hefur tekið stakkaskiptum síðan Gregg Ryder tók við þjálfuninni haustið 2013.

„Hann er búinn að standa sig frábærlega vel. Hann er rosalega skipulagður og fer vel í alla hluti. Það er búið að rýna í allt fyrir leikina og maður veit nákvæmlega hvernig maður á að bregðast við. Hann fer yfir alla leikmenn í hinu liðinu og þá er undir manni sjálfum komið að standa sig vel í leiknum."

Þrátt fyrir að Þróttur sé með fjögurra stiga forskot á toppi deildarinnar eru menn varkárir í Laugadalnum. „Ég held að það átti sig allir á því að þetta er langt frá því að vera komið. Það eru bara nokkur stig í næstu lið og ef við töpum nokkrum leikjum gætum við dottið niður um nokkur sæti. Ef við höldum áfram svona þá ættum við að fara upp."

Næsti leikur Þróttara er gegn Gróttu á heimavelli annað kvöld.„Það geta allir unnið alla í þessari deild. Við förum ekki í neinn leik með eitthvað vanmat. Grótta vann Þór á útivelli og það geta allir tapað á móti Gróttu," sagði Karl Brynjar að lokum.

Sjá einnig:
Leikmaður 1. umferðar - Orri Gunnarsson (Fram)
Leikmaður 2. umferðar - Dion Acuff (Þróttur)
Leikmaður 3. umferðar - Oddur Björnsson (Þróttur)
Leikmaður 4. umferðar - Pétur Bjarnason (BÍ/Bolungarvík)
Leikmaður 5. umferðar - Trausti Sigurbjörnsson (Þróttur)
Leikmaður 6. umferðar - Ingþór Björgvinsson (Selfoss)
Leikmaður 7. umferðar - Hafþór Þrastarson (Fjarðabyggð)
Leikmaður 8. umferðar - Alfreð Már Hjaltalín (Víkingur Ó.)