Fótbolti.net fjallar best allra fjölmiðla um Inkasso-deildina, 1. deild karla, en fyrsta umferðin var leikin á föstudag og laugardag.
KA, sem spáð var efsta sæti, vann 3-0 sigur á Fram og á þrjá leikmenn í úrvalsliðinu; þar á meðal er Guðmann Þórisson sem gekk óvænt í raðir Akureyrarliðsins frá FH nýlega.
Keflavík sem spáð var öðru sæti á einn fulltrúa eftir jafntefli gegn HK. Leiknir var spáð þriðja sæti og vann öruggan sigur á Þórsurum sem spáð var fjórða. Leiknismenn eiga tvo leikmenn í úrvalsliðinu.
Við erum með þá nýbreytni að velja einnig þjálfara umferðarinnar en það er þjálfari Hugins sem hlýtur þá nafnbót í fyrstu umferð. Seyðisfjarðarliðið er nýliði í deildinni en vann granna sína í Fjarðabyggð.
Úrvalslið 1. umferðar Inkasso:
Srdjan Rajkovic - KA
Halldór Kristinn Halldórsson - Leiknir R.
Guðmann Þórisson - KA
Jóhannes Karl Guðjónsson - HK
Jósef Kristinn Jósefsson - Grindavík
Rodrigo Gomes Mateo - Grindavík
Archange Nkumu - KA
Einar Orri Einarsson - Keflavík
Pachu Martinez - Selfoss
Elvar Páll Sigurðsson - Leiknir R.
Stefán Ómar Magnússon - Huginn
Þjálfari umferðarinnar: Brynjar Skúlason, Huginn.
Athugasemdir