Fallbaráttan í Inkasso-deildinni er nánast ráðin eftir næstsíðustu umferðina um síðustu helgi.

HK sigraði Huginn 4-0 á útivelli og bjargaði um leið sæti sínu. Tveir leikmenn HK eru í liði umferðarinnar og Jóhannes Karl Guðjónsson er þjálfari umferðarinnar.

KA tryggði sér sigur í deildinni með því að leggja Grindavík í uppgjöri toppliðanna. KA á tvo fulltrúa í úrvalsliðinu.

Leiknir Fáskrúðsfirði á tvo fulltrúa í liðinu eftir sigur á nöfnum sínum í Leikni Reykjavík.

Þá eiga Selfoss, Haukar, Fram, Keflavík og Þór öll einn fulltrúa í liðinu að þessu sinni.