Haukur Heiðar á landsliðsæfingu á dögunum.
Haukur Heiðar Hauksson, bakvörður AIK, er á leið í aðgerð á hné um leið og tímabilinu í Svíþjóð lýkur þann 6. nóvember. Þetta kemur fram í Morgunblaðinu í dag.
Haukur verður því líklega ekki með íslenska landsliðinu gegn Króötum í undankeppni HM þann 12. nóvember sem og í vináttuleiknum gegn Möltu þremur dögum síðar. Haukur hefur verið fastamaður í landsliðshópnum en hann fór með liðinu á EM í Frakklandi í sumar.
Haukur verður því líklega ekki með íslenska landsliðinu gegn Króötum í undankeppni HM þann 12. nóvember sem og í vináttuleiknum gegn Möltu þremur dögum síðar. Haukur hefur verið fastamaður í landsliðshópnum en hann fór með liðinu á EM í Frakklandi í sumar.
„Ég er búinn að vera í vandræðum með hnéð á mér í eitt og hálft ár og þetta hefur farið versnandi. Það þarf því eitthvað að laga í hnénu og stefnan er að gera það eftir tímabilið. Ég hefði viljað fara strax en fékk ekki leyfi frá félaginu til að láta laga þetta fyrr en eftir tímabilið og eins og staðan er reikna ég ekki með að vera með landsliðinu í Króatíu,“ sagði Haukur Heiðar í samtali við Morgunblaðið.
Hinn 25 ára gamli Haukur missti sæti sitt í byrjunarliðinu hjá AIK í sumar eftir þjálfaraskipti hjá liðinu. Haukur segir við Morgunblaðið að meiðslin hafi haft þau áhrif að hann hafi ekki spilað eins vel og hann hafi viljað.
Haukur er á sínu öðru tímabili með AIK en hann lék áður með KR og KA á Íslandi.
Athugasemdir
