Mike Ashley er eigandi Newcastle sem komst aftur upp í ensku úrvalsdeildina á síðasta tímabili.
Mike Ashley, eigandi Newcastle, sagði fyrir framan dómstóla að hann væri „kraftdrykkjumaður" sem elski að verða fullur.
Ashley er eigandi íþróttavörurisans Sports Direct og var yfirheyrður vegna ásakana viðskiptamannsins Jeffrey Blue sem heldur því fram að honum hafi verið lofað 15 milljónum punda í greiðslur ef hann næði að auka verðmæti hlutabréfa fyrirtækisins.
Ashley er eigandi íþróttavörurisans Sports Direct og var yfirheyrður vegna ásakana viðskiptamannsins Jeffrey Blue sem heldur því fram að honum hafi verið lofað 15 milljónum punda í greiðslur ef hann næði að auka verðmæti hlutabréfa fyrirtækisins.
Blue segir að hann hafi aðeins fengið eina milljón punda.
Ashley neitar sök en talað er um að hann hafi gefið loforðið á knæpu í miðborg London fyrir fjórum árum.
Þegar Ashley var spurður að því hversu mikið hann hafði drukkið svaraði hann því að hann væri að drekka fjóra til fimm bjóra á klukkutíma.
„Þetta var skemmtilegt kvöld, það var drukkið af miklum hraða. Ég elska að verða fullur, ég er krafdrykkjumaður. Það sem ég er hrifinn af er stíf drykkja. Markmiðið er að verða fullur," sagði Ashley.
Ashley var svo spurður að því hversu mikið Blue hefði drukkið.
„Hann hefði aldrei náð að halda í við mig. Hann er í léttvigt þegar það kemur að drykkju."
Ashley heldur reglulega fundi á börum og í eitt skipti ældi hann á eldstæði.
Athugasemdir
