Hvíti riddarinn hefur verið duglegur að styrkja leikmannahópinn sinn í sumar og voru Mosfellingar að tryggja sér þjónustu Sindra Snæs Vilhjálmssonar, sem er fæddur 2002.
Sindri Snær er alinn upp hjá FH en lék síðast fyrir Kórdrengi í Lengjudeildinni sumarið 2021. Hann á einnig leiki að baki fyrir yngri flokka Breiðabliks, auk þess að hafa varið mark Augnabliks í níu leikjum í 3. deildinni.
Ásgeir Frank Ásgeirsson, spilandi þjálfari Hvíta riddarans, var liðsfélagi Sindra hjá Kórdrengjum og eru þeir nú endursameinaðir.
Hvíti riddarinn bjargaði sér frá falli úr 3. deildinni í fyrra og stefnir hærra í ár.
Athugasemdir
