Núna rétt í þessu var dregið í átta-liða úrslit Meistaradeildar Evrópu en það eru gríðarlega áhugaverð einvígi framundan.

Arsenal mætir Bayern München en þau lið hafa mæst nokkrum sinnum í útsláttarkeppni Meistaradeildarinnar. Síðast gerðist það 2017 og þá vann Bayern samanlagt 10-1.

Svo er risastórt einvígi þar sem ríkjandi Evrópumeistarar Manchester City kljást við sigursælasta félag í sögu keppninnar, Real Madrid.

Atletico Madrid mætir Dortmund og þá eigast PSG og Barcelona við, en þau lið áttust við í mjög eftirminnilegu einvígi árið 2017 þar sem Börsungar komu til baka eftir að hafa tapað fyrri leiknum 4-0.