Fylkir og Selfoss áttust við í efstu deild í Lengjubikar kvenna í kvöld og úr varð hörkuslagur, þar sem heimakonur í Fylki voru sterkari aðilinn í fyrri hálfleik.

Fylkir komst í tveggja marka forystu áður en Brynja Líf Jónsdóttir minnkaði muninn með marki eftir hornspyrnu.

Guðrún Karítas Sigurðardóttir skoraði tvennu í fyrri hálfleik og komust Eva Rut Ásþórsdóttir og Tinna Harðardóttir einnig á blað, en staðan var 4-1 fyrir Fylki í leikhlé.

Gestirnir frá Selfossi veittu mótspyrnu í síðari hálfleik og minnkuðu muninn niður í eitt mark eftir mörk frá Unni Dóru Bergsdóttur fyrirliða og Auði Helgu Halldórsdóttur.

Staðan var 4-3 allt þar til Klara Mist Karlsdóttir innsiglaði sigur Fylkis með fimmta marki heimakvenna í Árbænum.

Liðin áttust við í lokaumferð riðlakeppni Lengjubikarsins og lýkur Selfoss keppni án stiga, en þetta eru fyrstu mörkin sem liðið skorar í bikarnum í ár.

Fylkir endar með sjö stig eftir fimm umferðir.