Tottenham heimsækir Fulham í Lundúnaslag í ensku úrvalsdeildinni á morgun og geta lærisveinar Ange Postecoglou komist upp í fjórða sætið með sigri.

„Það væri frábært að komast í meistaradeildina en það breytir í raun engu í okkar starfi. Við munum halda áfram að vinna að okkar markmiðum eins og áður," segir Postecoglou.

„Við vitum hvaða stöður við þurfum að styrkja, það breytist ekki hvort sem við náum meistaradeildarsæti í ár eða ekki."

Tottenham er með 53 stig eftir 27 umferðir af úrvalsdeildartímabilinu.