Real Sociedad tók á móti Cádiz CF í eina leik kvöldsins í spænsku deildinni.

Mikel Merino, fyrrum miðjumaður Newcastle, skoraði eina markið í fyrri hálfleik og innsiglaði Arsen Zakharyan sigurinn í síðari hálfleik, aðeins tveimur mínútum eftir innkomu sína af bekknum.

Leikurinn var nokkuð jafn fyrir leikhlé en heimamenn voru sterkari í síðari hálfleik og verðskulduðu að lokum sigurinn.

Lokatölur urðu 2-0 fyrir Sociedad, sem er í evrópusæti með 46 stig eftir 29 umferðir. Cádiz er áfram í fallsæti.

Sociedad er níu stigum frá meistaradeildarbaráttunni þegar níu umferðir eru eftir af tímabilinu. Cadiz er í fallsæti, tveimur stigum frá öruggu sæti.