Amad Diallo var hetja United með sigurmarki í uppbótartíma framlengingar og gerði þar með út um vonir Liverpool á að vinna fernuna.

United-grýlan heldur áfram að hrella Liverpool en þetta var í ellefta sinn sem United hendir Liverpool úr bikarnum.

Liverpool á enn metið þegar það kemur að því að henda einum og sama mótherjanum úr leik, en tólf sinnum hefur Everton orðið fyrir barðinu á nágrönnum sínum.

Erik ten Hag, stjóri Man Utd, er þá fyrsti stjóri félagsins til að vinna tvo heimaleiki í röð gegn Liverpool-liði Jürgen Klopp.