Lionel Messi er ekki með argentínska landsliðshópnum sem spilar æfingalandsleiki við El Salvador og Kosta Ríka í landsleikjahlénu sem er framundan.
Messi meiddist í sigri Inter Miami gegn Nashville í MLS deildinni á dögunum og þarf næstu viku til að jafna sig.
Messi er 36 ára gamall og er búinn að skora fimm mörk og gefa tvær stoðsendingar í fimm leikjum með Inter á nýju tímabili.
Messi er fyrirliði Argentínu og leiddi landsliðið til sigurs á síðasta heimsmeistaramóti, þar sem Argentína lagði Frakkland að velli eftir vítaspyrnukeppni á HM í Katar.
Athugasemdir
