Brasilía á spennandi æfingalandsleiki framundan gegn Englandi og Spáni í landsleikjahlénu sem er framundan en varnarjaxlinn Gabriel Magalhães verður ekki með vegna meiðsla.
Gabriel er ómissandi hluti af varnarlínu Arsenal og lék hann allar 120 mínúturnar í sigri liðsins gegn Porto í 16-liða úrslitum Meistaradeildarinnar í síðustu viku.
Hann er tæpur fyrir æfingalandsleikina og mun ekki taka þátt þó að hér sé um að ræða nokkuð mikilvæga leiki.
Gabriel er hins vegar staðráðinn í að ná næstu æfingaleikjum sem fara fram í fyrrihluta júní, þegar Brasilía spilar við Mexíkó og Bandaríkin skömmu fyrir upphafsflautið eftirvænta í Copa América.
Þar er Brasilía í D-riðli ásamt Kólumbíu og Paragvæ, en það á eftir að spila umspilsleik um síðasta lausa sætið í riðlinum. Þar eigast Kosta Ríka og Hondúras við næsta laugardagskvöld.
Þá mun miðjumaðurinn Thomas Partey ekki taka þátt í leikjum Gana þar sem hann er enn að ná sér eftir erfið meiðsli. Partey vill vera í sem besta standi síðustu tvo mánuði tímabilsins til að hjálpa Arsenal í titilbaráttu ensku úrvalsdeildarinnar og útsláttarkeppni Meistaradeildar Evrópu.
Athugasemdir
