Sóknarmaðurinn ungi Guðmundur Andri Tryggvason kom inn sem varamaður og krækti í vítaspyrnu sem KR náði að skora úr og tryggja sér jafntefli gegn Blikum í blálokin. Dómurinn umdeildur.
Lestu um leikinn: KR 1 - 1 Breiðablik
„Þetta var mjög mikilvægt mark upp á að fá smá anda og vilja í þetta. Vonandi fáum við þrjú stig í næsta leik," sagði Guðmundur Andri.
Var þetta réttur dómur að dæma vítið?
„Sem sóknarmaður vill ég fá víti. Ef ég væri markvörðurinn væri ég mjög pirraður að fá dæmt á mig víti. En ég myndi segja að þetta væri víti," sagði Guðmundur Andri sem segir að hann myndi skilja það ef Gunnleifur Gunnleifsson væri pirraður á dómnum.
Guðmundur Andri hefur mikið verið á bekknum í sumar og ekki fengið mjög margar mínútur.
„Það er fullt af góðum leikmönnum og ég þarf að sanna mig til að komast í þetta hörkugóða lið."
Sjáðu viðtalið í heild í spilaranum hér að ofan.
Athugasemdir
