Ísak Bergmann Jóhannesson átti virkilega góða innkomu þegar Ísland vann 4-1 sigur gegn Ísrael í kvöld en eftir sigurinn eru strákarnir okkar aðeins einum sigri frá því að komast á Evrópumótið í Þýskalandi.
Strákarnir fögnuðu vel út á velli þegar flautað var til leiksloka en Ísak gat ekki mikið fagnað með liðinu þegar komið var inn þar sem hann var sendur beint í lyfjapróf.
„Það er mjög þreytt," sagði Ísak við Fótbolta.net eftir leikinn.
„Maður kemur inn vel peppaður og svo er maður rifinn niður á jörðina. Það er svolítið svekkjandi."
Hann sagði í viðtalinu að stuðningsmenn Íslands hefðuð verið frábærir í leiknum. „Það voru tveir Skagamenn hérna og það var gaman að sjá þá. Skagamenn eru út um allt og alltaf jafn skemmtilegir."
Athugasemdir