Rooney skoraði í leiknum, en hann komst í hóp með Alan Shearer eftir markið. Hann og Shearer eru þeir einu sem eru búnir að skora 200 mörk eða fleiri í ensku úrvalsdeildinni. Rooney skoraði sitt 200. mark í kvöld og var skiljanlega ánægður með það.

„Það var fínt," sagði Rooney um 200. markið. „Að gera þetta í svona mikilvægum leik var líka gott. Ég er viss um að rauði hlutinn í Manchester hafði gaman af þessu."

„Við getum klárlega bætt okkur. Tímabilið er enn ungt, en við ætlum að reyna að gera góða hluti. Það ríkir metnaður hjá félaginu."