Alexander-Arnold er 25 ára gamall og er uppalinn hjá Liverpool. Þar hefur hann spilað allan sinn feril til þessa og hefur hann spilað alls 302 leiki fyrir félagið.

Enski landsliðsmaðurinn getur bæði spilað sem hægri bakvörður og miðjumaður, en það hefur verið talað um það að undanförnu að spænska stórveldið Real Madrid hafi mikinn áhuga á honum. Nicol telur að það væri best fyrir Liverpool að selja hann.

„Alexander-Arnold er ekki góður varnarmaður," sagði Nicol, sem spilaði lengi með Liverpool, við ESPN.

„Ef Madríd myndi bjóða 60, 70 eða 80 milljónir punda... og þú ert með Connor Bradley sem er margfalt betri varnarmaður og frábær fram á við líka. Þetta veltur á næsta stjóra."