Síðustu mínútur einkenndust að Völsungsmenn voru í sókn og reyndu að jafna leikinn. Tindastóll náði að koma sér í skyndisóknir en leituðu með boltann upp í horn til að tefja. Skemmtilegur leikur hér á Sauðárkróksvelli þar sem mikið var um að vera. Völsungsmenn sýndu mikinn vilja en erfitt að spila einum færri síðustu 30 mín. Tindastólsmenn fagna ákaft í leikslok með sínum stuðningsmönnum.

Mikið að gerast í leiknum síðustu mínútur. Pirringur í mönnum, mótmæli og hrindingar sem orsaka gult spjald. Liðin skiptast á að sækja og hafa tvö síðustu mörk komið eftir fallegar fyrirgjafir sem lenda hjá framherjunum og enda í netinu

Búnar að vera mjög líflegar síðustu mínútur. Völsungur lá í sókn og fékk þrjár hornspyrnur í röð sem allar enduðu í miklum darraðadansi inn í teig Tindastóls. Eftir þriðju hornspyrnuna náðu Tindastólsmenn að hreinsa út úr teignum og boltinn lenti beint í lappirnar á Stefan Antonio sem geystist af stað upp völlinn og stakk vörnina af. Sigvaldi var aftasti maður og sá ekkert annað í stöðunni en að brjóta og uppskar rautt spjald.

Dauðafæri hjá Tindastól. Enn og aftur er Stefan Antonio kominn einn innfyrir vörn Völsungs en hann komst ekki fram hjá markmanni Völsungs að þessu sinni

Aukaspyrna rétt fyrir utan teig Völsungs en hún fer hátt yfir

Spyrnan endar í veggnum og Tindastóll fer í skyndisókn. Stefan Antonio leikur sér með boltann rétt fyrir utan vítateig skýtur en skotið er varið en Benjamín nær frákastinu skýtur framhjá.

Aukaspyrna á hættulegum stað. Völsungur á aukaspyrnu rétt fyrir utan vítateik Tindastóls

Leikur hafinn að nýju

Skemmtilegur leikur hér á Sauðárkróksvelli. Heimamenn búnir að vera betri aðilinn í leiknum heilt yfir en Völsungur hefur sótt í sig veðrið síðustu mínútur fyrir hálfleik og verið líklegri til að skora.

Völsungur á síðustu sókn fyrir hálfleik. Flott fyrirgjöf og skalli sem endar rétt framhjá markinu.

Allt annað að sjá til Völsungs. Þeir eru búnir að ógna mun meira og eiga glimrandi flott færi. Tvær hornspyrnur í röð en ná ekki að koma sér í skotstöðu.

Santiago Fernandez, markmaður Tindastóls, fær aðvörun frá dómara leiksins fyrir að tefja. Valdi að elta bolta sem skotið var framhjá í staðin fyrir að fá boltann frá boltastrákunum sem stóðu nær honum

Völsungsmenn að vakna og búnir að eiga ágætar sóknir sem enda þó ekki með marktækifæri. Vantar herslu muninn hjá þeim.

Tindastóll heldur áfram að ógna marki gestanna. Stefan lék vel upp hægri kannt og hristi af sér tvo. Sendi svo út í teyginn en Arnar Ólafsson náði ekki að halda skotinu niðri og flaug boltinn hátt yfir.

Gott marktækifæri hjá Völsung! Bjarki Baldvinsson á gott skot rétt fyrir utan teig sem endar rétt fram hjá stönginni. Markspyrna fyrir Tindastól

Tindastóll byrjar leikinn að krafti og hefur verið meira ógnandi aðilinn í leiknum. Völsungur hefur þó reynt að nýta sér stungur inn fyrir vörn Tindastóls en hefur ekki skilað marktækifæri enn.

Tindastóll fær dauðafæri. Benjamín Jóhannes með gott skot en Aron Dagur markmaður Völsungs sér við honum

Gunnþór Steinar hefur flautað leikinn á. Gestirnir byrja með boltann

Liðin eru að ganga inn á völlinn og í hljóðkerfinu hljóma leikmannakynningar.

Þessi leikur er mikilvægur fyrir bæði lið. Lið Tindastóls er í botnbaráttunni og þarf á stigum að halda til tryggja veru sína í deildinni á næsta keppnistímabili. Mikið hefur verið fjallað um Völsung síðustu daga. Eftir úrslit úr leiknum gegn Huginn á Völsungur ennþá möguleika á að koma sér upp um deild. Það má því búast við hörku leik hér á Sauðárkróksvelli.

Góðan dag kæru lesendur. Senn fer að hefjast leikur Tindastóls og Völsungs í 2. deild karla hér á Sauðárkróksvelli. Veðrið er frekar milt, skýjað, 4 gráður og logn.