SKÝRSLAN: Sigur Vestra dugði skammt
Hvað réði úrslitum?
Vestramenn voru mun betri aðilinn í dag fyrir utan fyrstu 20 mínúturnar þar sem þeir virtust frekar stressaðir, en vilji þeirra og hugur í að komast upp í Inkasso sigldi sigrinum í höfn, þó svo það hafi svo ekki dugað til.
Bestu leikmenn
1. Hafþór Atli Agnarsson (Vestri)
Stórkostlegur á miðjunni hjá Vestra í dag. Eins og venjulega var hann mjög duglegur varnarlega, en í dag fylgdi sóknarleikurinn með, lagði upp eitt mark og bjó til nokkur færi fyrir félaga sínu.
2. Pétur Bjarnason (Vestri)
Skoraði eitt og lagði upp eitt. Hefur verið sjóðandi heitur í sumar og það kæmi ekki á óvart ef einhver lið í Inkasso eða Pepsí myndu skoða hann.
Atvikið
Rauða spjaldið sem Hammed fékk, fyrir það voru Vestramenn með allt undir control, en eftir það lágu Káramenn á þeim, það atvik hefði getað kostað Vestra sigurinn.
Hvað þýða úrslitin?
Vestri klára tímabilið í 3. sæti stigi á eftir Gróttu og Aftureldingu sem fara upp, en Kári í 5.sætinu.
Vondur dagur
Erfitt að setja vondan dag á einhvern einn leikmann. Ætla að setja það á Hammed sem fékk að líta rauðaspjaldið og gerði verkefnið mun erfiðara fyrir sína menn.
Dómarinn - 7
Átti fínasta leik, eitt og eitt atvik kannski ekki upp á 100, en engin stór atriði sem hægt er að setja á hann. Rauða spjaldið hárrétt.
Spurngin er hins vegar hvort Andri hafi verið réttstæður í marki Kára, en ef sú ákvörðun er röng er erfitt að setja það á aðaldómarann.