SKÝRSLAN: Engin miskunn hjá Val þegar Íslandsmeistararnir komu í heimsókn
Hvað réði úrslitum?
Frábær spilamennska Vals. Mörkin hefðu getað orðið fleiri og Sonný bjargaði Blikum oft á tíðum frábærlega og hélt þeim inn í leiknum.
Bestu leikmenn
1. Dóra María
Kom Valskonum á bragðið með geggjuðu skoti. Leggur svo upp mark úr hornspyrnu og var solid á miðjunni. Hlín, Fanndís og Elín voru einnig sprækar í liði Vals.
2. Berglind
Vann boltann vel til baka. Hélt honum og kom honum vel frá sér. Kemur sínum konum inn í leikinn með tveimur frábærum mörkum þar sem hún klárar í fyrsta
Atvikið
Mörkin hjá Berglindi á 70 og 84 mínútu sýndu hvað hún er mikill gæðasenter. Klárar í fyrsta í báðum færunum og sýnir okkur hvað hún á gullskóinn skilið með sín 19 stykki!
Hvað þýða úrslitin?
Þau þýða svosem ekki mikið. Valur sýndi góðan leik þrátt fyrir vonbrigðasumar hjá þeim. Þær eru í 4.sæti einsog var vitað fyrir leik. Blikar eru enn Íslandsmeistarar, það hefur ekkert breyst.
Vondur dagur
Þetta var lokaumferðin og allir í stuði. Það sýndu allir á vellinum að það er mjög gaman í fótbolta og þvílík veisla sem við fengum. Vondur dagur? Ætli það sé ekki bara ég, borðaði of marga snúða. En svona fyrir utan það þá hefði Elín á venjulegum degi skorað svona 2 til 3 mörk, veit það best sjálf.
Dómarinn - 7
Bríet alveg ágæt í dag. Hún var fljót að taka upp gula spjaldið á 90 mínútu þegar henni fannst Hallbera tefja. Ég hélt hún hefði gleymt þeim heima hjá sér. Mjög oft hengu blikar í alltof margar mínútu á bakinu á Elínu sem hefði alveg verðskuldað spjöld.