SKÝRSLAN: Selfyssingar unnu baráttuna um Suðurlandið
Hvað réði úrslitum?
Það var ljóst fljótlega í leiknum að hér væri ekkert undir og leikurinn einkenndist síðan af því. ÍBV stjórnaði leiknum frá upphafi en náðu ekki að brjóta niður varnarmúr Selfyssinga. Allt virtist stefna í steindautt markalaust jafntefli en allt kom fyrir ekki.
Bestu leikmenn
1. Cloé Lacasse
Alltaf hættuleg og ógnandi. Átti fjölmarga mjög hættulega spretti í dag og var óheppinn að skora ekki eða leggja upp. Pjúra gæði.
2. Varnarlína Selfyssinga
Barbára, Allyson, Brynja og Anna María. Héldu frábærri Cloe í skefjum í dag þrátt fyrir að hún ætti marga góða spretti. Allyson og Brynja eru eins og Malt og Appelsín. Þvílík blanda.
Atvikið
Vítaspyrnan sem Bryndís Lára fær dæmda á sig á 90. mínútu leiksins. Sjá betur í textalýsingunni. Magdalena skoraði örugglega úr vítinu.
Hvað þýða úrslitin?
Selfyssingar sigra baráttuna um Suðurlandið. ÍBV endar sumarið í fimmta sæti deildarinnar en Selfyssingar í því sjötta.
Vondur dagur
Ian Jeffs fær rautt spjald eftir að dómarinn flautar leikinn af. Öskrar út í eitt á dómarann sem þarf tvívegis að senda hann í burtu. Neitar síðan að koma í viðtöl. Ekki merkileg hegðun hjá annars ágætum manni.
Dómarinn - 9,0
Hafði lítið að gera. Reyndi ekki á hann fyrr en hann dæmdi vítaspyrnuna undir lokin sem virðist hafa verið réttur dómur. Flottur dagur hjá tríóinu.