ÞETTA ER BÚIÐ!

Þvílík dramatík og Magni spilar í Inkasso árið 2019!

Skýrsla og viðtöl á leiðinni.

Síðasti séns fyrir ÍR, fá aukaspyrnu úti vinstra megin og allir inn!

GÖ snýr Donna af sér og bombar af löngu færi en beint á Helga!

GÖ fær langan bolta upp og gerir fáránlega vel að snúa sér í skot en rugluð varsla hjá Helga í horn!

Magni reynir að halda boltanum uppi í horni en missa boltann afturfyrir.

Andri kemst afturfyrir Sigga hægra megin og bombar boltanum fyrir en Ström nær ekki að renna sér á boltann.

Egill dæmir 4 mín við.

ÍR vill fá hendi og víti eftir að Gunnar Örvar skallar í Lalla liðsfélaga sinn en fá bara horn, sá þetta ekki nógu vel sjálfur.

Boltinn afturfyrir eftir hornið.

Eftir langt innkast skallar Lalli í horn.

ÍR skallar framhjá og Már liggur eftir.

Magnamenn hafa fallið aftar við markið sem er svosem eðlilegt og ÍR stjórnar leiknum.

ÍR fær horn sem Lalli Jessen skallar frá!

Donni fær skotfæri eftir að Ström heldur boltanum vel, Stubbur ver!

Gunni flikkar Lalla í gegn sem nær ekki að pota tánni í boltann áður en Helgi grípur hann, þetta var hættulegt!

Áki Halls tekur flottan sprett en Sveinn Óli með frábæran varnarleik og þvingar Áka í vesen sem hendir sér svo niður en Egill lætur ekki plata sig, Palli Gísla brjálaður að Áki fái ekkk spjald fyrir dýfu.

DAUÐFÆRI!

Áki einn gegn Stubb og reynir eitthvað chipp sem fer framhjá, Binni Gests brjálaður, skilur ekki afhverju Áki setti þetta ekki innanfótar á nær.

VÁ!

Uppúr löngu innkasti frá Bjögga berst boltinn út á Guffa sem bombar boltanum svona 7cm framhjá sammanum!

Magnamenn með öll völd á vellinum, ég ætla að veðja á mark fljótlega.

Binni Gests öskrar á sína menn að peppa sig aðeins upp afþví það gerist ekkert af sjálfu sér.

Guffi hamrar Bjarna niður hérna úti vinstra megin og á einhvern óskiljanlegan hátt fær ekki spjald, svo núna stuttu seinna er Áki sparkaður niður á sama stað og ekkert dæmt, bæði lið alveg kolvitlaus út í Egil og félaga.

Krissi Rós keyrir hér utan á Halldór og þrumar fyrir markið en Teitur setur boltann í horn.

Tvær slakar sendingar frá Bjarna sem fékk boltann aftur eftir fyrri spyrnuna.

Baldvin sendir boltann fyrir og Lalli nær skallanum en langt framhjá.

Bjarni kemur flottum bolta upp í hornið á Lalla en fyrirgjöfin afturfyrir.

Þarna átti Jessen að gera betur!

Andri með hættulega fyrirgjöf frá hægri sem Baldvin setur í horn.

VÁ! - Andri kemur boltanum á Áka sem tekur skot í snúningnum og smellir boltanum í slánna!

Stubbur tekur hérna eitt útspark nánast upp í Seljaskóla, Teitur þarf að skalla í horn.

Lalli skallar framhjá.

Þetta er komið í gang aftur!

Egill hefur flautað til hálfleiks!

2-2 í rugluðum leik!

ÍR fær hér horn á lokasekúndum fyrri hálfleiks.

Magnamenn koma boltanum burt.

King Styrmir Erlends með bjartsýnistilraun af 30 metrum, yfir!

Már reynir hér skot af svona 35 metrum sem er fast og Stubbur ver í horn, fínasta tilraun!

Uppúr horninu skallar Halldór framhjá.

Binni fer í hörku tæklingu á miðjunni með báðar lappir á undan og vinnur boltann en Egill dæmir réttilega brot, þessi var fullorðins.

ÍR fær horn uppúr þessari aukaspyrnu en Stubbur grípur hornspyrnuna.

DAUÐAFÆRI HINUMEGIN!

Magni brunar upp í sókn, skyndilega er Lars Óli aleinn gegn Helga en Helgi nær að verja með löppinni og í horn!

ÍR-ingar koma hættunni svo frá, en þarna verður Lalli bara að gera betur!

ÍR-ingar vilja víti!!!

Teitur hamrar boltanum inní á fjær frá miðju og Jón Gísli er að hlaupa afturfyrir Ívar sem virðist toga Ström niður og koma þannig í veg fyrir að hann komist í boltann.

Ég er ekki frá því að þetta hafi verið víti...

Magni fær hornspyrnu eftir að Bjarni sendi geggjaða sendingu í hornið á Krissa Rós.

Bjarni tekur og DAAUUÐAFÆRI!

GÖ vann fyrsta boltann og Baldvin með hann á lofti aleinn á fjær smellir honum framhjá!

Magnamenn vilja víti þegar Lars Óli klobbar Teit og hendir sér svo niður, aldrei víti að mínu mati.

Magnamenn með öll völd á vellinum eins og er.

ÍR með öll völd á vellinum, fá hér hornspyrnu.

Guffi með flottan bolta en það gerir enginn árás.

ÍR fær aukaspyrnu úti vinstra megin sem Guffi tekur en Magnamenn skalla í horn, hornspyrnan er skölluð í innkast og svo missa ÍR-ingar boltann afturfyrir.

Magnamenn eru þéttir til baka og þvinga ÍR í langa bolta, svo reyna þeir að keyra á skyndisóknum.

Bjarni tekur flottan sprett upp hægra megin sækir hornspyrnu.

ÍR kemur boltanum frá.

Gunnar Örvar gerir vel og finnur Krissa Rós hægra megin en Krissi setur boltann afturfyrir.

ÍR-ingar vilja fá víti, Áki hleypur utan í varnarmann Magna og hendir sér niður og ekkert dæmt, hefði verið hart að dæma víti á þetta þar sem Áki var hreinlega að reyna að sækja snertinguna.

Magnamenn ná flottri skyndisókn og Siggi er við það að sleppa í gegn en er í þröngri stöðu og reynir sendingu frekar en skot, Siggi hefði átt að skjóta að mínu mati.

ÍR hendir einum löngum upp völlinn og Áki Halls nær tveim skottilraunum en Magnamenn komast fyrir þær báðar áður en Andri lúðrar boltanum yfir!

ÍR byrjar þennan leik og sækir í átt að Seljahverfinu!

Það eru læti í stúkunni, Magnamenn mættir!

Það er allt að verða klárt, liðin eru að labba út á völl, stöð 2 sport er með cameru á svæðinu og það er fullt af fólki að mæta á völlinn!

Liðin eru úti að hita og það virðist vera alvöru hugur í mönnum - eðlilega, sætið er undir!

Ég ætla að tippa á að við fáum alvöru leik hér!

Veðrið er með okkur áhorfendum í liði svo ég myndi vilja sjá stútfulla stúku.

Byrjunarliðin eru komin inn hér til hliðar.

Axel er í banni hjá ÍR eftir að hafa fengið gult spjald fyrir dýfu gegn HK.

Siggi Marinó var einnig úrskurðaður í bann en það var dregið til baka vegna þess að spjaldið gegn Fram var ranglega skráð á Sigga og því má hann spila þennan mikilvæga leik fyrir Magna.

Staðan í deildinni er svona:

10. sæti - ÍR - 18 stig
11. sæti - Magni - 16 stig
12. sæti - Selfoss - 15 stig

Selfyssingar eru hinsvegar staðfest fallnir því í viðureign ÍR og Magna geta bæði lið ekki fengið 0 stig.

Þessi leikur er hreinn úrslitaleikur milli þessara liða hvort liðið tryggir sig áfram í Inkasso og hvort liðið fer niður með Selfoss.

ÍR nægir jafntefli en það þýðir ekkert annað en sigur hjá Magna til að senda ÍR-inga niður.

Góðan daginn gott fólk og verið velkomin í beina textalýsingu frá einum stærsta leik dagsins, ÍR - Magni!