Jóhann Helgi brýtur á Eyjólfi og aukaspyrna dæmd.

Þór á horn. Þetta hlýtur að fara ða verða búið, löngu komnar 90 mínútur á klukkuna.

Leiknismenn með vel útfærða aukaspyrnu og Sólon er einn á móti Aroni! Hann reynir einhverja furðulega vippu og Aron bara grípur hana, þarf ekki einu sinni að beygja sig.

Það er heldur betur rólegt. Þetta er göngubolti núna. Menn að bíða eftir því að þetta klárist bara.

Loksins er lífsmark með Leikni sóknarlega. Ósvald með fyrirgjöf sem er hreinsuð í horn. Svo kemur ekkert upp úr þeirri spyrnu.

Sveinn Elías með skot langt, langt yfir.

Það er afar rólegt yfir þessu.

Montejo neyðir Eyjólf í svakalega vörslu! Nær einhverju sturluðu skoti í fjærhornið sem Eyjólfur fer á eftir og slær í burtu, þessi var á leið í skeytin. Sveinn Elías fylgir svo eftir en skóflar boltanum í hliðarnetið.

Það hefur svona heldur róast yfir þessu, mikið um klafs og boltinn berst liðanna á milli en þó er Þór meira með hann. Leiknir eiga langan seinni hálfleik fyrir höndum.

Allt annað en bragðdaufur leikur! Tvö gul, rautt og þrjú mörk, hvað gerist í seinni?

Árni Elvar á hér langskot sem Aron Birkir ver, hornspyrna. Þórsarar ná að bægja hættunni frá.

Klúðrið maður! Úff. Sólon Breki sleppur inn fyrir, ákveður að renna út boltanum út á Ólaf Hrannar sem er einn á auðum sjó í teignum og þarf bara að leggja boltann inn en setur hann framhjá.

Leikur Leiknismanna er ekki upp á marga fiska. Bjarki Aðalsteinsson ætlaði að senda boltann yfir á hægri kantinn en var ofboðslega langt frá að hitta samherja og boltinn í innkast.

Nacho með ágætis tilraun utan af miðjum velli en boltinn fer yfir.

Aron Fuego vinnur boltann á miðjunni og ákveður að hlaða í skot, sem er alls ekki gott og Aron Birkir í markinu á ekki í neinum vandræðum með það.

Sveinn Elías á hér gott skot fyrir utan teig eftir hornspyrnu, en boltinn fer yfir.

Og aftur! Nú kom fyrirgjöf frá Sveini Elíasi úti hægra megin, beint á pönnuna á Jóhannesi Helga sem átti lausan skalla. Eyjólfur tók sjónvarpsvörslu og skutlaði sér á eftir boltanum.

Fyrsta færi Þórs en afar illa nýtt! Aron Kristófer komst upp vinstra megin, renndi boltanum á Nacho sem var einn á auðum sjó og skaut langt framhjá!

Aftur fá Leiknismenn færi, nú skallar Ólafur Hrannar hátt yfir af stuttu færi.

Og við byrjum bara á færi! Ryota Nakamura sleppur einn inn fyrir í teig Þórsara, hægra megin, en neglir boltanum framhjá. Átti að skora bara þarna!

Það er skítakuldi og Vaðlaheiðin sem blasir hér við áhorfendum er hvít niður að efstu bæjum.

Hjá Leikni koma þrír inn í byrjunarliðið. Ósvald Jarl, Ryota Nakamura og Aron Fuego. Út fara þeir Sævar Atli, Miroslav Pushkarov og Vuk Oskar Dimitrijevic, en sá síðastnefndi er ekki í hópi Leiknis í dag.

Það eru nokkrar breytingar á byrjunarliði Þórs frá síðasta leik. Sveinn Elías Jónsson kemur inn og er með fyrirliðabandið í dag. Ármann Pétur kemur sömuleiðis inn í liðið. Út fara þeir Jónas Björgvin sem er á bekknum í dag og Orri Sigurjónsson, sem er ekki í hópi.

Fyrri leik liðanna í sumar lauk með 1-0 sigri Þórs þar sem Spánverjinn magnaði á miðjunni, Ignacio Gil, skoraði sigurmarkið seint í leiknum.

Þjálfari Leiknis, Vigfús Arnar Jósepsson, hefur sömuleiðis sagt að hann ætli ekki að halda áfram með liðið. Hann tók við liðinu eftir þrjár umferðir af Kristófer Sigurgeirssyni en þá hafði liðið tapað öllum sínum leikjum. Þjálfarakapallinn 2018 mun því teygja sig bæði í þorpið á Akureyri og upp í Breiðholt.

Lárus Orri Sigurðsson, þjálfari Þórs, hefur sagt að hann ætli ekki að halda áfram með liðið á næsta tímabili. Hann hefur náð að skapa mjög jákvæða og skemmtilega stemmningu í kringum þetta Þórslið svo það verður snúið að finna nýjan þjálfara.

Alvaro Montejo er í þriðja sæti yfir markahæstu menn mótsins með 15 mörk, næstur fyrir ofan hann er Framarinn Guðmundur Magnússon með 17 mörk.

Liðin sem hér mætast eiga enga möguleika á því að færa sig ofar í töflunni, svo það er ansi líklegt að einhver af þessum fjórum liðum sem ég nefndi áður muni eiga sætaskipti eftir leiki dagsins.

Það er helst að bæði lið vilji spila upp á að enda ekki neðar en í þeim sætum sem eru í fyrir þessa lokaumferð. Þór er í fjórða sæti með 40 stig, stigi á undan Víkingi Ólafsvík sem mætir Fram. Framarar eru einmitt stigi á eftir Leikni R., með 24 stig í 7. sæti en Leiknir í 6. sæti með 25 stig. Þetta mun að sjálfsögðu ekki skipta neinu máli þegar upp er staðið, en þetta er þó eitthvað.

Góðan dag og verið velkomin í síðustu textalýsingu sumarsins frá Þórsvelli! Inkasso deildinni lýkur í dag og það er ekki mikið undir í þessum leik, verður að segjast.