Leitaðu í fyrirsögnum, texta eða eftir höfundi. Fyrsta slice notar staðlaðar fréttafærslur úr typed fixtures og heldur leitinni öruggri án backend-háðra SQL fyrirspurna.
Niðurstöður
Leit að "(Staðfest)" í fyrirsögn og texta skilaði 25086 niðurstöðum.
Leitin er nú fixture-backed og leitar eingöngu í stöðluðum fréttum. Leikir/skýrslur og endanleg backend-samningsleit eru enn ókláruð.
Sigurpáll Sören Ingólfsson hefur verið lánaður frá KR í Ægi fyrir baráttuna í Lengjudeildinni næsta sumar. Ægir vann 2. deildina í fyrra og spilar því í Lengjudeildinni á komandi tímabili.
Eva Stefánsdóttir hefur skrifað undir samning við Fylki sem gildir út komandi tímabil. Eva er fædd árið 2005 en hún spilaði með Fylki á láni frá Val á síðustu leiktíð en hún er nú alfarið gengin til liðs við félagið. Hún spilaði 17 leiki og skoraði þrjú mörk í Lengjudeildinni síðasta sumar.
Einar Karl Ingvarsson hefur skrifað undir samning við Hauka. Hann kemur til félagsins frá nágrönnunum í FH. Einar Karl er 32 ára og er uppalinn í FH. Hann hefur einnig spilað með Fjölni, Val, Stjörnunni og Grindavík á ferlinum. Hann hefur alls spilað 489 leiki og skorað 71 mark.
Raheem Sterling er genginn í raðir Feyenoord en hann kemur til félagsins á frjálsri sölu eftir að hafa fengið samningi sínum við Chelsea rift á dögunum. Hann skrifar undir samning sem gildir út yfirstandandi tímabil. Feyenoord situr í 2. sæti hollensku deildarinnar, sautján stigum á eftir PSV. Sterling er 31 árs og á að baki 82 landsleiki fyrir Englnad. Á ferlinum hefur hann spilað með Liverpool, Manchester City, Chelsea og Arsenal.
Þróttur tilkynnti rétt í þessu að Liam Daði Jeffs hefði ákveðið að ganga til liðs við uppeldisfélagið ÍBV. Í tilkynningu ÍBV kemur fram að sóknarmaðurinn skrifi undir fjögurra ára samning í Eyjum. Liam Daði er fæddur árið 2006 og er fæddur í Vestmannaeyjum. Faðir hans er Ian Jeffs sem lék með ÍBV á sínum tíma. Móðir hans er Sigríður Ása Friðriksdóttir sem lék sömuleiðis með ÍBV á sínum tíma. Hann skoraði tíu mörk í 24 Lengjudeildarleikjum með Þrótti á síðasta tímabili. Fótbolti.net fjallaði um áhuga ÍBV á Liam Daða og tilboð í hann í byrjun desember. Liam Daði lék með ÍBV í Lengjudeildinni 2021 en hélt svo í Laugardalinn.
Bournemouth hefur formlega keypt Alex Jimenez frá AC Milan. Þessi tvítugi spænski bakvörður kom upphaflega á láni. Bournemouth var skyldugt til að kaupa hann eftir ákvæði og nú hefur Jimenez skrifað undir samning til 2031. Ákvæðið var tengt því að Bournemouth myndi spila honum í að minnsta kosti 45 mínútur í 50 leikja tímabilsins. Hann er með eitt mark og eina stoðsendingu í 23 leikjum með Bournemouth í öllum keppnum á þessu tímabili. Jimenez kom upp úr akademíu Real Madrid.
Thomas Tuchel hefur skrifað undir framlengingu sem landsliðsþjálfari Englands og gildir nýr samningur hans framyfir Evrópumótið 2028. Hann verður því áfram með enska landsliðið sama hvernig gengur á HM í sumar.
Nottingham Forest hefur rekið Sean Dyche eftir 114 daga í starfi. Evangelos Marinakis, eigandi félagsins, ákvað að rífa í gikkinn eftir markalaust jafntefli gegn botnliði Wolves í gær. Dyche tók við seint á síðasta ári og byrjaði vel en árangurinn hefur ekki verið frábær að undanförnu. Samkvæmt breska ríkisútvarpinu hefur Marinakis þegar hafið viðræður við Vitor Pereira, fyrrum stjóra Wolves, um að hann taki við.
Víðir Garði hefur bætt við sig þremur leikmönnum fyrir átökin sem eru framundan í 3. deild karla í sumar. Það eru þeir Ísak John Hill, Sebastian Arrocain og Adolf Þór Haraldsson.
Björgvin Brimi Andrésson hefur verið lánaður frá Íslandsmeisturum Víkings til uppeldisfélagsins Gróttu. Björgvin Brimi, sem er fæddur 2008, hjálpaði Gróttu að komast upp úr 2. deild í fyrra og var valinn efnilegasti leikmaður 2. deildar. Hann lék með KR í 3. og 4. flokki en sneri aftur á Nesið á síðasta ári og var lykilmaður í liði Gróttu sem endaði í 2. sæti 2. deildar. Kári Árnason, yfirmaður fótboltamála hjá Víkingi, sagði í hlaðvarpsþættinum <i>ChessAfterDark</I> í síðustu viku að Víkingur væri með möguleikann á því að kalla Björgvin til baka í sumarglugganum.
Thomas Frank hefur verið rekinn sem stjóri Tottenham, eftir aðeins tæplega átta mánuði í starfi. Síðasti leikur Danans var 1-2 tapið gegn Newcastle í gær. Tottenham er í 16. sæti, aðeins fimm stigum frá fallsvæðinu. Liðið er án sigurs í síðustu átta deildarleikjum og hefur aðeins unnið tvo af síðustu sautjan deildarleikjum.
Roberto De Zerbi hefur látið af störfum sem stjóri franska liðsins Marseille en í tilkynningu segir að um sameiginlega ákvörðun hans og félagsins sé að ræða. Marseille fékk 5-0 skell gegn Paris St-Germain í hans síðasta leik en liðið féll úr keppni í Meistaradeildinni nýlega eftir 3-0 tap gegn Club Brugge.
Sænski miðjumaðurinn Chriss-Albin Alexander Mörfelt hefur gengið í raðir Vestra og skrifar undir samning út tímabil. Hann kemur vestur frá Östersund í heimalandinu. Mörfelt lék þrjá leiki með Östersund í sænsku Superettunni á síðustu leiktíð en þar áður var hann á mála hjá Öster sem leikur í Allsvenskan.
Breki Þór Hermannsson hefur skrifað undir nýjan samning við ÍA og er farinn á láni til Vestra út komandi tímabil. Breki er uppalinn á Snæfellsnesi; var hjá Snæfelli og Víkingi Ólafsvík áður en hann kom á Akranes fyrir tímabilið 2020. Breki er sóknarmaður sem getur leyst margar stöður framarlega á vellinum. Hann er fæddur árið 2003 og á síðasta tímabili skoraði hann ellefu mörk í 29 leikjum á láni hjá Grindavík. <i>„Við bindum miklar vonir við að Breki Þór haldi áfram að vaxa sem leikmaður fyrir vestan,"</i> segir í tilkynningu ÍA.
Þjálfarinn reynslumikli Lárus Grétarsson er tekinn við þjálfun Skallagríms í Borgarnesi. Liðið leikur í 5. deild.
Ný-Sjálendingurinn Betsy Doon Hassett hefur ákveðið að leggja skóna á hilluna eftir farsælan feril en þetta staðfestir Stjarnan á samfélagsmiðlum sínum.
Jón Jökull Þráinsson er kominn aftur í Stokkseyri en hann kemur til félagsins frá Ægi.
Varnar- og miðjumaðurinn Jón Óskar Sigurðsson er genginn til liðs við Magna en hann skrifaði undir tveggja ára samning við félagið um helgina.
Sænski markvörðurinn Tea Lundmark er gengin í raðir Tindastóls og mun spila með liðinu í Lengjudeildinni í sumar.
Víkingur Ólafsvík hefur fest kaup á varnarmanninum Daða Kárasyni frá Val. Hann semur við Ólsara út 2027.