Championship: Rooney dregur Derby í átt að umspilinu

Wayne Rooney er að reynast Derby County gríðarlega mikilvægur þessa dagana en hann gerði sigurmark liðsins í hörkuleik gegn Reading á föstudaginn og aftur gegn Preston North End í dag

Rooney skoraði eina mark leiksins gegn Preston beint úr aukaspyrnu á átjándu mínútu. Markið var glæsilegt og kom Declan Rudd engum vörnum við.

Heimamenn reyndu að svara fyrir sig en vörn gestanna hélt og mikilvæg þrjú stig komin í hús. Þetta var fimmti sigur Derby í röð í deildinni og er liðið aðeins einu stigi frá síðasta umspilssætinu.

Mark Rooney má sjá hér. Stöðutöfluna má sjá hér fyrir neðan.