Búið er að opinbera byrjunarliðin fyrir leiki dagsins í H-riðlinum á HM. Portúgal er komið upp úr þessum riðli en hin þrjú liðin eru öll að berjast um það að fara með í 16-liða úrslitin.
Leiks Gana og Úrúgvæ er beðið með mikilli eftirvæntingu en þessi lið mættust í eftirminnilegum leik á HM 2010. Það var í átta-liða úrslitum en Úrúgvæ hafði að lokum betur í vítaspyrnukeppni.
Luis Suarez, sóknarmaður Úrúgvæ, varð óvinur Ganverja númer eitt þegar hann varði boltann á línu með hendinni á lokamínútu framlengingarinnar. Hann kom í veg fyrir að Gana skoraði sigurmarkið og yrði þar með fyrsta Afríkuþjóðin til að komast í undanúrslit HM.
Suarez var rekinn af velli og Asamoah Gyan skaut í slána úr vítaspyrnunni. Suarez horfði á frá göngunum og trylltist úr fögnuði.
Úrúgvæ vann vítakeppnina og nú mætast liðin tólf árum síðar. Stuðningsmenn Gana þrá hefnd en litið er á Suarez sem djöfulinn sjálfan í Gana. Hann byrjar þennan leik eins og sjá má hér að neðan.
Portúgal gerir margar breytingar á liði sínu fyrir leikinn Suður-Kóreu en stórstjarnan Cristiano Ronaldo byrjar samt sem áður. Hann þráir það að bæta fleiri HM-mörkum við sinn feril.
15:00 Gana - Úrúgvæ
Byrjunarlið Gana: Ati-Zigi; Seidu, Amartey, Salisu, Rahman; Partey, Abdul Samed; Kudus, Jordan Ayew, André Ayew; Iñaki Williams.
Byrjunarlið Úrúgvæ: Rochet; Varela, Giménez, Coates, Olivera; Pellistri, Fede Valverde, Bentancur, De Arrascaeta; Darwin Núñez, Luis Suárez.
15:00 Suður-Kórea - Portúgal
Byrjunarlið Suður-Kóreu: Seung-gyu; Moon-hwan, Young-gwonm, Kyung-won Kwon, Jin-su; In-beom Hwang, Jung; Kang-in Lee, Jae-sung Lee, Son; Cho.
Byrjunarlið Portúgal: Diogo Costa; Dalot, António Silva, Pepe, Cancelo; Neves, Vitinha, Nunes, João Mário; Cristiano, Ricardo Horta.
Hvað þurfa liðin að gera til að komast í 16-liða úrslit?
H-riðill:
Portúgal er komið í 16-liða úrslitin og mun innsigla sigur í riðlinum ef liðið forðast tap gegn Suður-Kóreu.
Gana er öruggt með að komast áfram ef liðið vinnur Úrúgvæ. Gana kemst áfram með jafntefli ef Suður-Kórea vinnur ekki Portúgal.
Úrúgvæ verður að vinna og treysta á að Suður-Kórea vinni ekki Portúgal. Markatala ræður úrslitum ef Úrúgvæ og Suður-Kórea vinna bæði.
Suður-Kórea verður að vinna Portúgal til að eiga möguleika.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
