Armando Broja, efnilegur sóknarmaður Chelsea, er búinn að gera nýjan langtímasamning við félagið. Hann hefur komið inn af bekknum í fjórum af sex deildarleikjum félagsins á tímabilinu.
Broja er tvítugur landsliðsmaður Albaníu með fjögur mörk í fjórtán landsleikjum og sýndi flotta takta á láni hjá Southampton á síðustu leiktíð.
Hann vakti verðskuldaði athygli á sér og var eftirsóttur í sumar. Chelsea neitaði að selja hann eða lána út og hafnaði meðal annars 30 milljón punda tilboði frá West Ham.
Broja skrifar undir sex ára samning við Chelsea og mun berjast við Pierre-Emerick Aubameyang og Kai Havertz um byrjunarliðssæti undir stjórn Thomas Tuchel.
Athugasemdir