Ola Solbakken kom til Roma frá Bodö/Glimmt í byrjun árs en þessi 24 ára gamli sóknarmaður hefur ekki fengið mikinn spiltíma enn sem komið er.
Norðmaðurinn hitaði upp í klukkutíma í gær þegar Roma vann Empoli með tveimur mörkum gegn engu en hann kom hins vegar ekkert við sögu.
„Solbakken skilur ekki taktíkina á þann hátt eins og hinir skilja hana,” sagði Jose.
„Hann veit ekki muninn á 5-3-2 og 3-4-1-2. Hann skilur ekki hápressuna.”
„Hann verður að læra hvernig við spilum. Strákurinn er með hæfileika en hann getur ekki bara komið inn í liðið fyrir einhvern og látið liðið spila áfram með sama strúktúr.”
Roma neyddist til að skilja Ola Solbakken útundan í Evrópudeildinni á dögunum vegna Financial Fair Play reglunnar.
Athugasemdir
