Frá því í gær.
Imran Mehanovic, leikmaður Vestra, var borinn af velli í leik liðsins gegn Fylki í Lengjudeildinni í gær. Imran er 22 ára danskur miðjumaður sem fluttur var með sjúkrabíl á sjúkrahús.
Lestu um leikinn: Fylkir 2 - 0 Vestri
„Hann hitti lækni í gær, hann er ekki búinn að fara í myndatöku en læknirinn sem skoðaði hann í gær heldur að þetta sé ekki krossbandið. Við erum að bíða eftir myndatöku, erum að vona að þetta sé ekki eins slæmt og leit út í fyrstu. Hann verður alltaf frá í einhverjar vikur, en vonandi er þetta ekki alvarlegra en það," segir Samúel Samúelsson sem er meðstjórnandi í stjórn fótboltadeildar Vestra.
„Þetta var skrítið atvik, það er návígi og meiðist ekki á fætinum sem hann stendur í. Ég talaði við Imran í gærkvöldi og í morgun og hnéð á honum er tvöfalt út af bólgum. Við þurfum að bíða eftir myndatöku," segir Sammi.
Imran ólst upp hjá Esbjerg en hefur einnig leikið með Kolding, Horsens, Skive og Hellerup.
