Steven Lennon: Við vorum ekki góðir

„Já þetta var mjög mikilvægt, deildin er mjög þétt svo þrjú stig hér og þar hjálpa þér. Það var geggjað að skora sigurmarkið undir lokin og tryggja okkur sigurinn.'' Sagði Lennon strax eftir leik.



Hvernig fannst honum frammistaða liðsins?



„Við vorum ekki góðir, en við fengum þrjú stig, í síðustu viku spiluðum við vel en fengum engin svo hverjum er ekki sama? Svo framarlega sem við fáum þrjú stig og klifrum upp töfluna.''



Eru FH-ingar farnir að horfa á evrópusæti?



„Já við erum að horfa þangað, við hefðum verið nálægt falli ef við hefðum ekki unnið í dag svo þetta var mikilvægur sigur, við verðum bara að halda áfram þangað til að tímabilið er búið, öll lið eru að tapa stigum en það er fljótt að breytast, HK fór á skrið svo það er mikilvægt að halda áfram og reyna að kroppa í stig.''



Þetta hefur verið erfitt tímabiæ hingað til, hvað er að klikka hjá FH?



„Ég hef ekki hugmynd, deildin er bara að verða betri og jafnari, lið eins og Víkingur og Fylkir eru að verða betri, topplið eins og við og Valur erum að lenda í basli svo það er bara jákvætt fyrir íslenskan fótbolta.''



FH bætti félagsmet í að skora ekki mörk í efstu deild, hvað er að klikka í sókninni hjá FH?



„Sennilega færanýtingin mín, ég er búinn að fá fullt af færum en í dag skoruðum við á hárréttum tíma svo það telur.''



Hvernig er að hafa Morten uppi á topp með sér?



„Fyrir mig þá vill ég alltaf hafa target mann með mér svo ég geti tekið hlaupin mín, vonandi náum við að tengja aðeins betur þegar það líður á sumarið og vonandi skorar hann sitt fyrsta mark  sem fyrst.''



Viðtalið í heild sinni má sjá í spilaraum hér að ofan en það er á ensku.