Mac Allister: Liverpool vildi ekki semja við mig

Hann var vonsvikinn þegar liðsfélagar hans fengu nýja samninga síðasta sumar en ekki hann.

„Það getur ýmislegt gerst áður en ég verð samningslaus, það er eitt og hálft ár eftir. Á síðustu leiktíð skildist mér að félagið hygðist ekki semja við mig og það særði mig," segir Mac Allister.

„Ég elska Liverpool og vil halda áfram hjá félaginu. Raunveruleikinn er sá að við erum með nýjan þjálfara og nýjan yfirmann fótboltamála, auk nýrra fjárfesta. Þess vegna líður mér eins og allt geti gerst í framtíðinni. Mér líður mjög vel hérna."

Mac Allister er 27 ára gamall og var keyptur til Liverpool fyrir um 50 milljónir punda sumarið 2023. Hann leikur á miðjunni og hefur komið með beinum hætti að 5 mörkum í 15 leikjum í öllum keppnum á tímabilinu.