Championship: Skoruðu fimm og unnu fjórða leikinn í röð - Stoke á toppnum

Tímabilið hefur verið mikill rússíbani hjá Kanarífuglunum, sem töpuðu fimm leikjum í röð áður en þeir sneru blaðinu við. Liðið er nú komið á mikið skrið og fagnaði sínum fjórða sigri í röð.

Paris Maghoma, Harry Darling, Andre Brooks og Jovon Makama komu Norwich í 4-0 áður en Mathias Kvistgaarden bætti við fimmta markinu úr vítaspyrnu.

Norwich flýgur nú upp töfluna og situr í 11. sæti deildarinnar með 21 stig.

Stoke City marði 2-1 sigur á Portsmouth eftir að hafa lent undir snemma leiks. Tyrese Shade kom Portsmouth yfir strax á 6. mínútu, en Stoke sneri taflinu við í síðari hálfleik með mörkum Jack McGlynn og Ben Wilmot.

Stoke skaust þar með á topp deildarinnar með 29 stig, en Portsmouth situr í tíunda sæti með 22 stig.

Wrexham og Wolves skildu þá jöfn, 1-1. Adam Armstrong kom Wrexham yfir á 25. mínútu, en Lewis O'Brien svaraði aðeins tveimur mínútum síðar þegar hann jafnaði metin með skalla.

Wrexham er í 15. sæti með 18 stig, en Wolves situr í þriðja sæti með 28 stig.

Bristol City 0 - 5 Norwich
0-1 Paris Maghoma ('22 )
0-2 Harry Darling ('53 )
0-3 Andre Brooks ('56 )
0-4 Jovon Makama ('70 )
0-5 Mathias Kvistgaarden ('80 , víti)

Portsmouth 1 - 2 Stoke City
1-0 Tyrese Shade ('6 )
1-1 Jack McGlynn ('59 )
1-2 Ben Wilmot ('77 )

Wrexham 1 - 1 Wolves
0-1 Adam Armstrong ('25 )
1-1 Lewis O'Brien ('27 )