Það eru fjórir leikir búnir í ítölsku úrvalsdeildinni í dag. Roma og Lazio mistókst að vinna sína leiki.
Lazio heimsótti Bologna í leik þar sem Bologna komst tvisvar yfir. Lazio náði hins vegar að svara fljótlega í bæði skiptin. Á 88. mínútu fékk Joaquin Correa dauðafæri til að tryggja sigurinn, en honum mistókst að skora úr vítaspyrnu.
Bæði lið misstu mann af velli með rautt spjald í seinni hálfleiknum. Lucas Leiva fékk sitt annað gula spjald á 59. mínútu og Gary Medel fékk beint rautt á 70. mínútu.
Roma mætti Cagliari og þar var niðurstaðan einnig jafntefli. Cagliari komst yfir með marki úr víti á 26. mínútu, en fimm mínútum síðar jafnaði Roma. Leikmaður Cagliari gerði sjálfsmark.
Roma var betri aðilinn í leiknum, en fleiri urðu mörkin ekki.
Roma er í fimmta sæti, með stigi meira en Lazio sem er í sjötta sæti. Cagliari kemur svo í sjöunda sæti og er Bologna í 11. sæti.
Þriðji sigur Fiorentina í röð kom gegn Udinese. Varnarmaðurinn Nikola Milenkovic skoraði sigurmarkið fyrir Fiorentina, sem er í áttunda sæti. Udinese er í 14. sæti.
Þá vann Atalanta sigur á nýliðum Lecce, 3-1. Atalanta er í þriðja sæti með 16 stig og er Lecce í 18. sæti með sex stig. Atalanta hefur unnið þrjá leiki í röð.
Atalanta 3 - 1 Lecce
1-0 Duvan Zapata ('35 )
2-0 Alejandro Gomez ('40 )
3-0 Robin Gosens ('56 )
3-1 Fabio Lucioni ('86 )
Bologna 2 - 2 Lazio
1-0 Ladislav Krejci ('21 )
1-1 Ciro Immobile ('23 )
2-1 Rodrigo Palacio ('31 )
2-2 Ciro Immobile ('39 )
2-2 Joaquin Correa ('88 , Misnotað víti)
Rautt spjald: Lucas Leiva, Lazio ('59), Gary Medel, Bologna ('70)
Fiorentina 1 - 0 Udinese
1-0 Nikola Milenkovic ('72 )
Roma 1 - 1 Cagliari
0-1 Joao Pedro ('26 , víti)
1-1 Luca Ceppitelli ('31 , sjálfsmark)
Leikir kvöldsins:
16:00 Torino - Napoli (Stöð 2 Sport)
18:45 Inter - Juventus (Stöð 2 Sport)
Athugasemdir