07.06.21 - 06:00
Brynjar Ingi Erluson
PSG enn að reyna við Messi - „Bestu leikmenn heims vilja koma hingað"
Lionel Messi verður samningslaus um mánaðarmótin
Mynd: Getty Images
Lionel Messi verður samningslaus um mánaðarmótin
Mynd: Getty Images
Argentínski sóknarmaðurinn Lionel Messi mun að öllum líkindum framlengja samning sinn við Barcelona á næstu vikum en Nasser Al Khelaifi, forseti Paris Saint-Germain, segir að félagið eigi þó enn möguleika á að fá hann.
Al Khelaifi fer um víðan völl í löngu viðtali við L'Equipe en hann er þar spurður út í áhuga PSG á Messi.
Messi verður að öllu óbreyttu samningslaus um mánaðarmótin en Barcelona vinnur hörðum höndum að því að framlengja samning hans áður en það verður of seint.
Hann lýsti því yfir á síðasta ári að hann vildi yfirgefa félagið en eftir að Joan Laporta vann forsetakosningarnar hjá Börsungum þá er hljóðið í honum annað.
PSG hefur verið í viðræðum við Messi en Al Khelaifi segir að það sé enn allt opið.
„Hvað get ég sagt? Allir bestu leikmenn heims vilja koma til Paris Saint-Germain. Við getum ekki fengið alla því við erum þegar með frábæra knattspyrnumenn í hópnum. Messi er samt sem áður Messi, magnaður leikmaður," sagði Al Khelaifi.
„Ég hef nú þegar sagt Joan Laporta að samningur Messi er að renna út og eiga öll félög rétt á því frá áramótum að ræða við hann og fá hann fyrir næsta tímabil," sagði hann ennfremur.
Messi verður að öllu óbreyttu samningslaus um mánaðarmótin en Barcelona vinnur hörðum höndum að því að framlengja samning hans áður en það verður of seint.
Hann lýsti því yfir á síðasta ári að hann vildi yfirgefa félagið en eftir að Joan Laporta vann forsetakosningarnar hjá Börsungum þá er hljóðið í honum annað.
PSG hefur verið í viðræðum við Messi en Al Khelaifi segir að það sé enn allt opið.
„Hvað get ég sagt? Allir bestu leikmenn heims vilja koma til Paris Saint-Germain. Við getum ekki fengið alla því við erum þegar með frábæra knattspyrnumenn í hópnum. Messi er samt sem áður Messi, magnaður leikmaður," sagði Al Khelaifi.
„Ég hef nú þegar sagt Joan Laporta að samningur Messi er að renna út og eiga öll félög rétt á því frá áramótum að ræða við hann og fá hann fyrir næsta tímabil," sagði hann ennfremur.
