04.10.26 - 12:00
Víðir Sigurðsson
Víðir Sig: Aðeins tveir fljótari en Orri að skora 12 mörk fyrir Ísland
Orri Steinn Óskarsson fagnar öðru markanna gegn Búlgaríu.
Mynd: Fótbolti.net - Haukur Gunnarsson
Orri Steinn Óskarsson fagnar öðru markanna gegn Búlgaríu.
Mynd: Fótbolti.net - Haukur Gunnarsson
Aðeins tveir landsliðsmenn Íslands í karlaflokki hafa verið fljótari að skora tólf mörk fyrir A-landsliðið en Orri Steinn Óskarsson.
Orri skoraði sitt ellefta og tólfta landsliðsmark í sigrinum gegn Búlgaríu á Laugardalsvellinum í gær, 3-0, og hefur náð þessum markafjölda í aðeins 21 landsleik.
Hann er kominn með þrjú mörk í þremur leikjum Íslands í Þjóðadeildinni í haust og hefur alls skorað fimm af þeim tíu mörkum sem landsliðið hefur skorað á þessu ári.
Þó Orri sé einungis nýorðinn 22 ára gamall er hann nú kominn í 11. sætið á listanum yfir markahæstu leikmenn landsins frá upphafi og deilir því sæti með þremur öðrum. Einn þeirra er samherji hans í framlínu Íslands í dag, Andri Lucas Guðjohnsen, sem skoraði sitt tólfta mark í sigrinum í Lúxemborg á dögunum.
Orri skoraði sitt ellefta og tólfta landsliðsmark í sigrinum gegn Búlgaríu á Laugardalsvellinum í gær, 3-0, og hefur náð þessum markafjölda í aðeins 21 landsleik.
Hann er kominn með þrjú mörk í þremur leikjum Íslands í Þjóðadeildinni í haust og hefur alls skorað fimm af þeim tíu mörkum sem landsliðið hefur skorað á þessu ári.
Þó Orri sé einungis nýorðinn 22 ára gamall er hann nú kominn í 11. sætið á listanum yfir markahæstu leikmenn landsins frá upphafi og deilir því sæti með þremur öðrum. Einn þeirra er samherji hans í framlínu Íslands í dag, Andri Lucas Guðjohnsen, sem skoraði sitt tólfta mark í sigrinum í Lúxemborg á dögunum.
