Guðlaugur Victor Pálsson
Íslenski landsliðsmaðurinn Guðlaugur Victor Pálsson er í liði umferðarinnar í þýsku B-deildinni. Þetta er í annað sinn á tímabilinu sem hann er í liði umferðarinnar. Það er þýska vefsíðan Kicker sem stendur fyrir valinu.
Guðlaugur Victor gekk til liðs við Darmstadt í janúar frá Zürich í Sviss en hann var valinn í lið umferðarinnar eftir fyrstu umferð tímabilsins.
Hann var lykilmaður þá í liðinu er það gerði 1-1 jafntefli gegn Karlsruher á föstudag og var verðlaunaður með sæti í liði 9. umferðar.
Darmstadt er í næst neðsta sæti B-deildarinnar með 8 stig.
Guðlaugur Victor er í íslenska landsliðshópnum fyrir leikina gegn Frakklandi og Andorra.
Athugasemdir
