„Ég átti að skemmta á laugardagskvöldið en það var eins og einhver ættingi hafi dáið. Ég gat ekki gírað mig af stað fyrr en í blálokin þegar ég henti í mig einum Ripped. Þetta er hræðilegt og hefur áhrif á mig," sagði Tottenham stuðningsmaðurinn og skemmtikrafturinn Hjálmar Örn Jóhannsson í Innkastinu í dag um 3-0 tap sinna manna gegn Brighton um helgina.
Tapið gegn Brighton kom í kjölfarið á 7-2 tapi gegn Bayern Munchen í Meistaradeildinni í síðustu viku en gengi Tottenham hefur valdið vonbrigðum á tímabilinu.
„Ég hélt að Tottenham myndi koma til baka og vinna þennan leik 4-0 eða 5-0. Þetta fór verulega illa í mig. Ég þurfti að fara út í göngutúr í hálfleik. Ég labbaði úti í rigningu og 14 metrum á sekúndu bara til að jafna mig. Áður en ég myndi brjóta rúðu heima þá varð ég að labba út," sagði Ingimar Helgi Finnsson í Innkastinu.
Hjálmar og Ingimar vilja halda Mauricio Pochettino áfram í stjórastólnum þrátt fyrir gengi Tottenham. „Menn verða að fá einhverja virðingu sem þeir eru búnir að gera. Ég held að hann fari ekki strax," sagði Hjálmar.
Í Innkastinu var staðan hjá Tottenham krufin nánar en margir leikmenn liðsins hafa valdið miklum vonbrigðum í vetur.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 36 | 24 | 7 | 5 | 68 | 26 | +42 | 79 |
| 2 | Man City | 36 | 23 | 8 | 5 | 75 | 32 | +43 | 77 |
| 3 | Man Utd | 37 | 19 | 11 | 7 | 66 | 50 | +16 | 68 |
| 4 | Aston Villa | 37 | 18 | 8 | 11 | 54 | 48 | +6 | 62 |
| 5 | Liverpool | 37 | 17 | 8 | 12 | 62 | 52 | +10 | 59 |
| 6 | Bournemouth | 36 | 13 | 16 | 7 | 56 | 52 | +4 | 55 |
| 7 | Brighton | 37 | 14 | 11 | 12 | 52 | 43 | +9 | 53 |
| 8 | Brentford | 37 | 14 | 10 | 13 | 54 | 51 | +3 | 52 |
| 9 | Sunderland | 37 | 13 | 12 | 12 | 40 | 47 | -7 | 51 |
| 10 | Chelsea | 36 | 13 | 10 | 13 | 55 | 49 | +6 | 49 |
| 11 | Newcastle | 37 | 14 | 7 | 16 | 53 | 53 | 0 | 49 |
| 12 | Everton | 37 | 13 | 10 | 14 | 47 | 49 | -2 | 49 |
| 13 | Fulham | 37 | 14 | 7 | 16 | 45 | 51 | -6 | 49 |
| 14 | Leeds | 37 | 11 | 14 | 12 | 49 | 53 | -4 | 47 |
| 15 | Crystal Palace | 37 | 11 | 12 | 14 | 40 | 49 | -9 | 45 |
| 16 | Nott. Forest | 37 | 11 | 10 | 16 | 47 | 50 | -3 | 43 |
| 17 | Tottenham | 36 | 9 | 11 | 16 | 46 | 55 | -9 | 38 |
| 18 | West Ham | 37 | 9 | 9 | 19 | 43 | 65 | -22 | 36 |
| 19 | Burnley | 36 | 4 | 9 | 23 | 37 | 73 | -36 | 21 |
| 20 | Wolves | 37 | 3 | 10 | 24 | 26 | 67 | -41 | 19 |
