Lahm: Engin augljós nálgun í sóknarleiknum

Phillip Lahm fyrrum fyrirliði landsliðsins var allt annað en sáttur með sóknarupplegg liðsins sem virtist hreinlega ekki vera neitt.

„Það var engin augljós nálgun í sóknarleiknum. Þýskaland er með fjóra framherja sem eru tæknilega mjög góðir í Serge Gnabry, Jamal Musiala, Kai Havertz og Leroy Sane og svo eru einnig Thomas Muller og Niclas Fullkrug," sagði Lahm.

„Fótbolti snýst um smáatriðin. Í sóknarleiknum t.d. Hvernig kemst ég í boxið án þess að gefa allt upp? Hvernig kem ég í veg fyrir að hitt liðið fari í skyndisókn ef ég tapa boltanum?"

Liðið varð heimsmeistari í Brasilíu árið 2014 en hefur fallið úr leik í riðlakeppninni á síðustu tveimur mótum.