Enski deildabikarinn: Christie og Larsen í stuði - Hull úr leik

Sunderland og Hull City áttust við í eina úrvalsdeildarslag kvöldsins og úr varð jafn leikur. Öskufljótur Chemsdine Talbi skoraði eina markið eftir skyndisókn á 71. mínútu þar sem hann stakk varnarmenn Hull af áður en hann vippaði boltanum afar snyrtilega yfir Dillon Phillips markvörð.

Þetta er skellur fyrir Hull sem byrjaði úrvalsdeildartímabilið af miklum krafti og hefur enn ekki fengið mark á sig eftir þrjár fyrstu umferðirnar sem nýliði.

Bournemouth og Crystal Palace fóru þá þægilega áfram í næstu umferð. Bournemouth skoraði fjögur á heimavelli gegn Lincoln City þar sem Ryan Christie gerði sér lítið fyrir og setti þrennu.

Jörgen Strand Larsen gerði þá tvö mörk í 3-0 sigri Crystal Palace á heimavelli gegn Middlesbrough. Larsen lagði þriðja markið upp eftir að hafa skorað fyrstu tvö.

Úrvalsdeildarfélögin gerðu talsverðar breytingar á byrjunarliðum sínum á milli leika, en það gerði Matthias Jaissle ekki hjá Newcastle. Hann tefldi fram sterku liði og rétt marði Millwall á útivelli.

Newcastle var talsvert sterkara liðið en tókst ekki að skora fyrr en Joe Willock setti boltann í netið á 81. mínútu, sem reyndist eina mark leiksins.

Bradford City hafði að lokum betur gegn Leyton Orient á útivelli.

Sunderland 1 - 0 Hull City
1-0 Chemsdine Talbi ('71 )

Bournemouth 4 - 0 Lincoln City
1-0 Ryan Christie ('7 )
2-0 Ryan Christie ('69 )
3-0 Ryan Christie ('88 )
4-0 Rayan ('90 )

Crystal Palace 3 - 0 Middlesbrough
1-0 Jorgen Strand Larsen ('37 )
2-0 Jorgen Strand Larsen ('53 )
3-0 Daichi Kamada ('72 )

Millwall 0 - 1 Newcastle
0-1 Joseph Willock ('81 )

Leyton Orient 1 - 3 Bradford
0-1 Macaulay Gillesphey ('38 , sjálfsmark)
0-2 Will Swan ('45 )
0-3 Stephen Humphrys ('58 )
0-3 Reece Welch ('75 , Misnotað víti)
0-4 Nick Powell ('88 )