Þetta eru þeir 30 sem geta unnið gullboltann

Búið er að opinbera hvaða 30 leikmenn koma til greina sem besti leikmaður heims. Sá leikmaður fær Ballon d'Or gullboltann.

Ousmane Dembele er handhafi gullboltans og hann er einn af þeim sem tilnefndir eru í ár. Rodri, sem vann verðlaunin 2024, er einnig tilnefndur.

Tíu leikmenn Evrópumeistarana í PSG eru tilnefndir og sex sem urðu heimsmeistarar með Spáni í sumar. Fabian Ruiz er sá eini sem tikkar í bæði box.

Þrír leikmenn Englandsmeistara Arsenal eru tilnefndir, tveir frá Manchester City og einn frá Manchester United. Fjórir leikmenn frá Barcelona, Real Madrid og Bayern München eru tilnefndir, tveir sem spila í Sádi-Arabíu og Lionel Messi er sá eini sem spilar í Bandaríkjunum. Messi hefur fengið verðlaunin átta sinnum, síðast árið 2023.

Pau Cubarsi og Lamine Yamal eru bæði tilnefndir til gullboltans og sem besti ungi leikmaður ársins. Þeir urðu Spánarmeistarar með Barcelona og heimsmeistarar með Spáni.

Veðbankar telja Harry Kane líklegastan til að hljóta gullboltann í ár. Þar á eftir koma Lamine Yamal, Kylian Mbappe og Rodri.